१
आयुष्य . . .
थडथड पिंजऱ्यात
बंद
एक गुबगुबीत श्वापद !
आयुष्य . . .
लाल-गुलाबी लोभस
चिखलामधले
खोल
'मी' पण !
आयुष्य . . .
एक
सततचे
निरर्थ
अटळ
उरलेपण !
२
आपण कोण कुणाचे ठरतो
किंवा
येते का उरता आपल्याला कुणाचे कुणी ?
अथवा काहीही ?
की आपण
पोसत असतो आपल्या उराच्या पिंजऱ्यात
थडथडणाऱ्या वास्तवाच्या भासांमध्ये
आपल्या असंख्य माना वर काढत
लडबडणारा एक लालसी-स्वप्नांचा Dragon
स्वतःच्या जागी ?
३
काळे पाणी
एकच गुंफा
खोल खोल
पावले टाका
पावलो-पावली
खाली खाली
जायचं जायचं
चपक पचक
चपा चपा
कोण उचले ?
पाउल पाऊल
कोण असते
कळे कुणा?
काळे पाणी
शार शार
तळापाशी
श्वासच गार !
No comments:
Post a Comment