१
गणपती नावाचा एक देव आहे
गणपती नावाचा एक सण आहे
आणि
गणपती नावाचं एक निमित्त आहे !
२
मराठी नावाची एक भाषा आहे
मराठी नावाचा एक समाज आहे
आणि
मराठी नावाचा एक मुद्दा आहे !
३
क्रिकेट नावाचा एक खेळ आहे
क्रिकेट नावाचा एक किडा आहे
आणि
क्रिकेट नावाचा एक धंदा आहे !
४
भ्रष्टाचार नावाची एक पद्धत आहे
भ्रष्टाचार नावाचा एक विकार आहे
आणि
भ्रष्टाचार नावाचा एक विचार आहे !
५
उत्सव नावाचा एक उत्साह आहे
उत्सव नावाची एक रूढी आहे
आणि
उत्सव नावाचं एक काहीही आहे !
६
साई नावाचा एक संत आहे
साई नावाचा आणखी एकजण होता
आणि
साई नावाचा बिअर बार आहे !
७
अमुक नावाची एक जात आहे
तमुक नावाची जमात आहे
आणि
माणूस नावाचा एक पशू आहे !
८
टीव्ही नावाचं एक यंत्र आहे
टीव्ही नावाचा एक खोका आहे
आणि
टीव्ही नावाचा एक बोका आहे !
९
मंत्री नावाची एक खुर्ची आहे
मंत्री नावाचं एक पद आहे
आणि
मंत्री नावाचं एक लायसन्स आहे !
१०
पोलीस नावाची एक नोकरी आहे
पोलीस नावाचा एक व्यवसाय आहे
आणि
पोलीस नावाचा एक गणवेश आहे !
No comments:
Post a Comment