पिझ्झा खाता खाता
अण्णांच्या उपोषणाची
रसभरीत बातमी चाखता येते !
कम्युनिकेशनची कमाल आहे !
एसेमेसेस् फॉरवर्ड करून
आंदोलनाला पाठिंबा व्यक्त केला
की स्वस्थपणा येतो !
पक्ष-प्रवक्त्यांची कमाल आहे !
पत्रकार परिषदेत दुसर्‍याला दोष दिला की
आपली पापं धुतल्याची
मिजास चेहर्‍यावर चढते !
पत्रकारांची कमाल आहे !
रोज काही चमचमीत दिल्याखेरीज
चमचमीत खायचं नाही
असे त्यांच्या रक्तात दिसते !
मंत्र्यांची कमाल आहे !
विरोधकांचा शिखंडी करून
जनतेला गोळी मारता येते !
जनतेचीही कमाल आहे !
एक अण्णा उपोषण करतो
हे पाहून जनतेला
स्वस्थपणे जेवता येते !
No comments:
Post a Comment