Tuesday, May 11

हा अबोला ... (मराठी गझल)

हा अबोला .. कधी तुटेल आता ?
हाय कोडे .. कधी सुटेल आता ?

सांगणारी मला तुझीच स्वप्ने ..
झोप माझी .. कधी उडेल आता ?

एकटा मी अजून संभ्रमात ..
खूण काही .. कधी पटेल आता ?

चांदण्यांचे तुझे अभाळ वेडे ..
एक तारा .. कधी तुटेल आता ?

सोहळे संपले अता सारे ..
दूर पक्षी .. कधी उडेल आता ?

3 comments:

Sagar Kokne said...

छान आहे

...winged wanderer... said...

ekdum chan. Serene....
"सांगणारी मला तुझीच स्वप्ने ..
झोप माझी .. कधी उडेल आता ?" khupach aawadali line.

Milind Phanse said...

गझल आवडली.
सांगणारी मला तुझीच स्वप्ने ..
झोप माझी .. कधी उडेल आता ?

एकटा मी अजून संभ्रमात ..
खूण काही .. कधी पटेल आता ?


- मस्त.
सोहळे संपले अता सारे ..
ह्या ओळीत एक लघु मात्रा कमी पडते आहे. वृत्त
गा ल गा गा | ल गा ल गा ल गा गा |
आहे, त्यामुळे
'सोहळे संपलेत सर्व आता'
असा किरकोळ बदल केल्यास वृत्तदोष टाळता येईल.