यमक साधलं जातं
ती केलेली कविता असते ...
नि नादमाधुर्याच्या वाटेने चालते,
ती असते
येऊन प्रकट झालेली कविता !
अर्थ, वृत्त, ताल, मात्रा ....
बद्धता कशाशीच नसते ...
असतं फक्त
स्वातंत्र्य शब्दांना
कल्पनांचे खेळ पूर्ण करण्याचं !
या डावात रमतात काही शब्द ...
काही मात्र दमतात !
निघून जातात मग ..
वाट पहातात ...
आणखी एखादा रमणीय खेळ सुरू व्हायची
प्रकट होत असलेल्या एखाद्या कवितेच्या
कल्पनेचा हात मिळायची !
No comments:
Post a Comment