Monday, September 28

माझा तुझा चंद्र !

माझ्या नवीन (होऊ घातलेल्या) अल्बम मधील एक गीत .. मीच लिहिलेलं ...

पूर्वेला हासणारा
क्षितिजावर वाकणारा
डोळ्यात खुणावणारा
ढगात विसावणारा
माझा तुझा .. हा .. चंद्र !

आकाश तुझे नि माझे
ढळणार्‍या तारकेचे
आकाशाच्या नक्षीला
स्वप्ने चंदेरी विणतो
पुन्हा पुन्हा ... हा .. चंद्र !

एखादी रात्र वेडी
साथही नशाच थोडी
कुठे चुकते पाऊल
तरी त्यावर ताल धरतो
नवा नवा ... हा ... चंद्र !

दोघांचे एक गाणे
एकाच दिशेत जाणे
निळी वाट चालताना
प्रेमातुन पाहणारा
माझा तुझा ... हा .. चंद्र !

1 comment:

rajendra chavan said...

moon's eye view of our relationship!
projection of poet's mind makes the moon kind and gentle.finding water over moon is not just a coincidence!