कोणाची हाक ऐकण्या - पाऊस येतो ?
कोणाला साद घालण्या - पाऊस येतो ?
ग्रीष्मी सुकल्या डोळ्यांचे...
मातीमधल्या बीजांचे ...
पानांमधल्या बहरांचे...
वेलींवरल्या इवल्यांचे...
कोणाचे स्वप्न झेलण्या - पाऊस येतो ?
गीतांमधल्या शब्दांशी ..
क्शितिजावरच्या रंगांशी ..
हृदयमधल्या तालाशी ..
जगण्यामधल्या आशेशी ...
कोणाशी गूज छेडण्या - पाऊस येतो ?
घनगर्द अश्या रानाचे ...
घमघम करत्या वार्याचे ...
आकाशीच्या तार्यांचे ...
स्वर्गांमधल्या देवांचे ...
कोणाचे दान पेरण्या - पाऊस येतो ?
No comments:
Post a Comment